19/01/2018

Millimizin sabiq baş məşqçisi, İqor Ponomaryev, Azfar Futbol Məktəbinə uğurlar arzuladı

İqor PonomaryevAzərbaycanda uşaq və gənclər futbolu sahəsində yeni istiqamətin yaradıldığı xəbərini sevinclə qarşıladım. Bu çox yaxşı ideyadır. Bizə yalnız bu xoş başlanğıc addımında uğurlar arzulamaq qalır. Belə xeyirxah bir missiyanın müsbət nəticələrini yaxın gələcəkdə daha aydın görmək mümkün olacaqdır.
Uşaq və yeniyetmələr üçün gənc yaşlarından öz bədənlərini, ruhlarını düzgün tərbiyə etmək və peşəkar futbolçu olmağa çalışmaqdan daha yaxşı nə ola bilər? Vladislav, bütün qəlbimlə sənə və Azfar Futbol Məktəbi layihəsinin rəhbərliyinə və iştirakçılarına gənc azərbaycanlı futbolçuların yetişdirilməsində uğurlar arzu edirəm. Mən əminəm ki, onlar Azərbaycan futbolunda və bəlkə də dünya futbolunda öz sözlərini deyəcəklər.

ASEP şirkəti Azfargoup-un dəstəyi ilə şəhərimizin idman həyatında ciddi hadisə olacaq yeni layihəyə start verdi– Bakıda AZFAR uşaq-gənclər futbol məktəbi açıldı. Gələcəkdə sözügedən məktəblər şəbəkəsinin şəhərin bütün rayonlarında fəaliyyət göstərməsi nəzərdə tutulur.
Bu bir çox vacib məsələni həll edəcək bir layihədir: uşaqların idmanla məşğul olmağa cəlb olunması, uşaq və gənclər futbolunun inkişafı, idman potensialının üzə çıxarılması və peşəkar kadrların yetişdirilməsi və cəmiyyətin sağlam inkişafı.
Bu cür məktəblər yalnız uşaqları deyil, onların valideynlərini də sevindirir – belə ki, idmanla məşğul olan uşaq həm fiziki, həm də əxlaqi və mənəvi cəhətdən sağlam böyüyəcək və pis mühitlərdən zaq qalacaq.
AZFAR futbol məktəbinin mövcud məktəblərdən əsas fərqi nədir? İlk növbədə, tədrisə peşəkar yanaşmada. Gənc futboçulara yalnız futbol oynamaq üçün praktiki bacarıqlar deyil, eyni zamanda nəzəri biliklər də öyrədilir.
AZFAR futbol meydançaları (Bakının bütün rayonlarında fəaliyyət göstərən 29 açıq və qapalı meydança) – adi stadionlalar deyil, futbolla tam məşğul olmaq üçün hər bir şəraiti – FİFA standartlarına uyğun qurulmuş yüksək keyfiyyətli süni ot örtüyü, məşqlər zamanı minimal zədə, rahat soyunub-geyinmə otaqları və duşlar, bütün uşaqlara veriləcək idman dəstləri - olan bütöv bir infrastrukturdur.
Valideynlərin xidmətinə rahat avtomobil dayanacaqları, bir fincan qəhvə ilə monitorlardan məşqlərin gedişinə və məşqçilərin işinə baxa biləcəkləri istirahət zonası və kafe təqdim edilir.
Valideynlər mütəmadi olaraq keçiriləcək Valideyn günləri hesabına daimi olaraq övladlarının nailiyyətləri və problemləri ilə bağlı məlumat alacaqlar.
AZFAR məktəbləri gənc idmançılar üçün böyük perspektivlər yarada bilər.
Mövcud infrastrukturun dəstəyi ilə burada mütəmadi olaraq səfər kampları, çempionatlar, beynəlxalq turnirlər və yarışlar keçiriləcəkdir, bu da daha istedadlı yeniyetmələrin üzə çıxarılmasına və onların peşəkar futbol klublarının akademiyalarına seçilməsinə kömək edəcək.
Qeyd edilməlidir ki, AZFAR məktəblərində yalnız oğlanlar üçün deyil, qızlar üçün də seksiyalar nəzərdə tutulmuşdur. Məşqlər və dərslər isə 4-15 yaş arası uşaqlar üçün 5 yaş kateqoriyası üzrə keçirilir.
Münasib qiymət, tək abunəliyin tətbiqi, rahat ödəniş üsulları da AZFAR məktəblər şəbəkəsinin əhəmiyyətli üstünlüklərindəndir.

Əlavə məlumat üçün: +99450 295 21 29, +99412 404 73 39

Fəaliyyət

Layihələr

Xəbərlər